زمان من حوالى 6 سنين تقريبا كنت بتفرج على المصارعة الحرة على ال ايه ار تى كنت بحب اتفرج عليهم كل اسبوع واشوف حاجات ع النت وكدة .. بس بطلت من 6 سنين وان كان لسة فى شوية ماتشات لسة ف دماغى من ساعتها ومشاهد ما انساهاش
المشهد ده تقريبا افضل مشهد شفته فى حياتى فى المصارعة الحرة
دة مشهد دخول الاندرتيكر عشان يلاعب كين فى الريسيلمينيا 20 قبلها كان الاندرتيكر اتحول وبقى يخش بموتوسيكل وروشن نفسه يعنى ومابقاش (الحانوتى) بتاع زمان فاخون (كين) حس بالعار فدفنه صاحى فقبل الريسيلمينيا 20 وبعد ماتش لكين لقوا على الشاشة ان الاندرتيكر بيقول انه هايلاعب كين فى الريسيلمينيا 20
المهم .. جت الريسيلمينيا 20 .. ودخل كين واستنوا الاندرتيكر يخش بصوا لقوا الاندرتيكر داخل بالستايل القديم بتاعه بتاع ال(ديد مان ووكين) ومن غير موتوسيكلات ولا باندانات ولا حاجة تكفى نظرات الذهول والذعر اللى على وش كين فى الماتش ده
أغنية (لا تكذبى) .. غنتها (نجاة) فى فيلم (الشموع السوداء)
كما غناها (عبد الحليم حافظ) فى احدى حفلاته , مما تسبب فى غضب (نجاة) على اعتباره تعدى على اغنيتها غناها ايضا الموسيقار (محمد عبد الوهاب) باعتباره ملحن الاغنية , وكان شبه معتادا ان يغنى (عبد الوهاب) الاغانى التى يقوم بتلحينها
كتب هذه الاغنية الشاعر (كامل الشناوى) الذى كان يعشق الفنانة (نجاة) وكتبها لها خصيصا .. ولكن الاغنية أعجبت (نجاة) فطلبت منه ان تقوم بغناءها .. وقد كان
لتحميل الاغنية باصوات العمالقة الثلاثة .. (نجاة) , (عبد الحليم حافظ) , (محمد عبد الوهاب) .. بالاضافة على كليب الاغنية من فيلم (الشموع السوداء) بصوت نجاة بصحبة (صالح سليم) فى فيديو مدته 11 دقيقة تقريبا
اضغط هنا Uploaded on : media fire File Size : 78.5 M.b Total run time : 1:17:02 hour No passwords .. uploaded by me
عند فكرى .. هاتلاقى كل حاجة هنا .. هاحطلكوا - ان شاء الله - شبه يوميا تقريبا حاجة حاجة عبارة عن ايه؟ عن اى حاجة كل يوم حاجة جديدة ومختلفة مرة هحط اغنية عجبتنى مرة هحط لينك لفيلم شدنى مرة هحط برنامج مفيد كل مرة حاجة مختلفة
وتأكد .. ان الحاجة اللى انا هحطها دى .. يا اما من الحاجات المفضلة عندى وبستخدمها باستمرار .. يا اما عجبتنى جدا وشدتنى .. المهم انها حاجة من حاجات فكرى
